මාළු කිලෝ 80,000 ක් ධීවර සංස්ථාව මිලදී ගනී

මසුන් කිලෝග්‍රෑම් 80,000 කට වැඩි ප්‍රමාණයක් ධීවර වරායන්ගෙන් මිලදී ගෙන ඇති බව ධීවර සංස්ථාව පවසනවා.

එහි සභාපති මේජර් ජෙනරාල් ලලිත් දවුලගල මහතා ප්‍රකාශ කළේ පෞද්ගලික අංශයේ සිසිල් ගබඩා පහසුකම් භාවිතා කරමින් එම මත්ස්‍ය තොග ගබඩා කර ඇති බවයි.

ධීවර සංස්ථාව විසින් බාලයා කිලෝග්‍රෑම් එකක් රු. 200 කටත්, ලින්නා කිලෝග්‍රෑම් එකක් රු. 150 ක් සහ කෙලවල්ලා කිලෝග්‍රෑම් එකක් රු. 350 කටත් මිලදී ගන්නා බව ඒමහතා පැවසුවා.

ධීවර සංස්ථාවේ සභාපතිවරයා සඳහන් කළේ තලපත් කිලෝග්‍රෑමයක් රු. 550 ක් සහ කොප්පරා කිලෝග්‍රෑමයක් රු. 600 ක මිලකට ගන්නා බවයි.

මේජර් ජෙනරාල් ලලිත් දවුලගල මහතා පැවසුවේ මිලදී ගත් මාළු තොග ආරක්ෂිතව ඇසුරුම් කර අලෙවි කිරීමට සැලසුම් කර ඇති බවයි.


ඇත්ත නැත්ත හැම දෙයක්ම දැනගැනීමට පිවිසෙන්න ඇත්ත ගොසිප් ෆේස්බුක් සමූහයට සහ පිටුවට.