ඇල්පිටිය ප්‍රාදේශීය සභා මැතිවරණය සඳහා තැපැල් ඡන්දය සඳහා අයදුම්පත් මේ මස 13 වන දිනට පෙර ඉදිරිපත් කළ යුතු බව මැතිවරණ කොමිසම නිවේදනය කර තිබේ.
එහි අධ්‍යක්ෂ ජනරාල් සමන් ශ්‍රී රත්නායක මහතා පැවසුවේ ප්‍රාන්ත මැතිවරණය සඳහා සූදානම් වීමේ මූලික කටයුතු ආරම්භ කර ඇති බවයි.
ඇල්පිටිය ප්‍රාදේශීය සභා මැතිවරණය ඔක්තෝබර් 11 වන දින පැවැත්වීමට විශේෂ ගැසට් නිවේදනය ඊයේ (සැප්තැම්බර් 3) නිකුත් කරන ලද්දේ ගාල්ල දිස්ත්‍රික්ක් තේරීම් භාර නිලධාරී සෝමරත්න විදාන පතිරාන මහතා විසිනි.
පසුගිය අගෝස්තු 30 වන දින ශ්‍රේෂ්ඨාධිකරණය මැතිවරණ කොමිසමට නියෝග කළේ ඇල්පිටිය ප්‍රදේශ සභාවට සභිකයින් තෝරා ගැනීම සඳහා මැතිවරණයක් පවත්වන ලෙසයි. ශ්‍රේෂ්ඨාධිකරණය විසින් මෙම නියෝගය නිකුත් කරනු ලැබුවේ පසුගිය පළාත් පාලන මැතිවරණයේදී ඇල්පිටිය ප්‍රාදේශීය සභාව සඳහා වූ තම නාමයෝජනා ප්‍රතික්ෂේප කිරීමට එරෙහිව ප්‍රජාතන්ත්‍රවාදී එක්සත් ජාතික පෙරමුණ විසින් ගොනු කරන ලද පෙත්සමක් සලකා බැලීමෙනි.
ඇත්ත විත්ති – ඇත්ත ඇති සැටියෙන් දැනගන්න පිවිසෙන්න අපගේ ෆේස්බුක් පිටුවට සහ සමූහයට.
