යුරෝපා කොමිසමේ සභාපති තනතුරට ජර්මනියේ උර්සුලා ෆොන් ඩර් ලේන් තේරී පත්වී තිබේ. එහි මන්ත්‍රීවරුන් අතර පැවති රහස් ඡන්දයකින් අනතුරුවයි, ඇය මෙසේ තේරී පත්වී තිබෙන්නේ.
ඒ අනූව, යුරෝපා කොමිසමට තේරී පත්වූ ප්‍රථම කාන්තා සභාපතිවරිය ඇයයි. උර්සුලා ෆොන් ඩර් ලේන් ජර්මනියේ ආරක්ෂක අමාත්‍යවරිය වෙයි. හිටපු සභාපති ෂොන් ක්ලෝඩ් ජන්කර් වෙනුවටයි, උර්සුලා මෙලෙස පත්ව ඇත්තේ.
ජයග්‍රහණය සඳහා ඇයට අවශ්‍ය වූ ඡන්ද සංඛ්‍යාව 374ක්. ඡන්ද විමසීමේ දී එම සංඛ්‍යාව අභිබවා ඇයට පක්ෂව ඡන්ද 383ක් ලබාගැනීමට හැකිවිය. විපක්ෂව ලැබුණු ඡන්ද සංඛ්‍යාව 327ක්. ඔබ හා කෙරෙහි තැබූ විශ්වාසය සමස්ත යුරෝපය කෙරෙහිව තැබූ විශ්වාසය බව ඇය ඡන්ද විමසීමෙන් අනතුරුව සභාව අමතමින් කියා සිටියි. නැගෙනහිර සිට බටහිරටත්, දකුණේ සිට උතුරටත් එක්සත් හා ශක්තිමත් යුරෝපයක් ගොඩ නැගීම විශ්වාස කළයුතු බවයි, ඇය එහි දී වැඩිදුරටත් කියා සිටියේ.
ඇත්ත විත්ති – ඇත්ත ඇති සැටියෙන් දැනගන්න පිවිසෙන්න අපගේ ෆේස්බුක් පිටුවට සහ සමූහයට.
සබැඳි පුවත්:
Загрузка...
